Навоий вилояти “Динамо” жисмоний тарбия–спорт жамияти кенгаши жамоалари ўртасида Алишер Навоий истироҳат боғида спортнинг “Кўп кураш” тури бўйича ходимларнинг жисмоний тайёргарлигини ошириш, ҳуқуқни муҳофаза қилувчи органлари ходимлари ўртасида дўстлик туйғусини шакллантириш мақсадидида ўтказилган мусобақада Навоий вилояти ИИБ, Миллий  Гвардия, Қоровул Қўшинлари 7532,7551 сон ҳарбий қисм, 7259 сонли ҳарбий қисм, Қўриқлаш бошқармаси, 5-сон ЖИЭК, ФВВ НКМК жамоалари иштирок этишди. Мазкур беллашувда 12 жамоа ва ҳар бир жамоада 8 нафардан иштирокчи қатнашди. Ходимлар ва ҳарбий хизматчилар тош кўтариш, спорт тўсинида тортилиш, армрестлинг ва арқон тортиш турлари бўйича беллашдилар.  Мусобақа жуда юқори савияда ташкил этилди ва қизғин курашларга бой бўлди. Эътиборлиси шундаки, ушбу мусобақа орқали ходимлар жисмонан чиниқишди ва ҳамкорлик муносабатлари ўрнатилди.  Муросасиз ўтган баҳсларда умумжамоа ҳисобида фахрли 1-ўринни вилоят ИИБ жамоаси эгаллашди. 2-ўринни Миллий Гвардия жамоаси ва ниҳоят 3-ўринга 7259-сонли ҳарбий қисм жамоалари муносиб деб топилди. Мусобақа якунида ғолиблар “Динамо” жисмоний тарбия–спорт жамияти кенгаши  томонидан кубоглар билан тақдирланишди.  

           Навоий вилояти ИИБ Ахборот хизмати