9 Апрел 2023 йил
711
Навоийда ИИБ ходимлари учун қадим Хоразмга саёҳат ташкил этилди
Хоразм ўзининг қадимий обидалари, муқаддас зиёратгоҳлари, хушманзара табиати, бетакрор қадрият ва анъаналари билан жаҳон сайёҳларини ўзига ром этиб келмоқда. Ватандошларимиз орасида мазкур қадамжога саёҳат қилиш истагидаги инсонлар бисёр. Хусусан, Навоий вилояти ИИБ ташаббуси билан ходимлар ва уларнинг оила аъзолари учун Хоразм вилоятига саёҳат ташкил этилди. Саёҳат давомида улар Хива шаҳрининг диққатга сазовор жойларини томоша қилишди. Қадим Хоразмнинг осори-атиқаларини ёшу қарини бирдек қувонч бағишлади. Икки кунлик зиёрат янги ҳафтада ходимларни хизматга киришишида ҳамда руҳиятида ижобий самара бериши шубҳасиз.
Навоий вилояти ИИБ Ахборот хизмати
