Навоийда ИИВ академик лицейи ўқувчилари Академия курсантлари билан учрашди
Ўзбекистон Республикаси ИИВ нинг 2019 йил 30 сентябрь кунидаги 312-сонли “Ички ишлар вазирлиги Академияси курсант ва тингловчиларининг ички ишлар органларига амалиётларини ташкил этиш тўғрисида”ги буйруғи, ИИВ нинг 2022 йил 7 февралдаги 2/2-155-сон кўрсатмаси талаблари асосида Навоий вилояти ИИОларига амалиётга жалб қилинган Академия курсантлари ва амалиёт раҳбари подполковник Ф.Шукуров бошчилигида ИИВ Навоий академик лицейига ташриф буюришиб, лицейнинг битирувчи 2-3-курс ўқувчилари билан учрашув ўтказилди.
Учрашув жараёнида ўқувчиларга ИИВ Академиясида ўқиш жарёни, курсантларга яратиб берилган шарт-шароитлар, имкониятлар ҳақида маълумотлар берилиб, ўқувчиларни қизиқтирган саволларга жавоб берилди. Ўтказилган учрашув ўқувчиларда лицейни тамомлаб, ИИВ Академиясига ўқишга киришга бўлган истакларини янада кучайтирди.
Навоий вилояти ИИБ Ахборот хизмати
