Тарғибот карвони Навоий вилоятининг барча шаҳар-туманларида қизил тоифага киритилган маҳаллаларда йўлга қўйилиши режалаштирилди. Дастлаб, тадбирга жалб этилган, вилоят ИИБ ППХваЖТСБ ва Кармана тумани ИИБ ходимлари ҳамда МФЙ жамоатчилик вакилларидан иборат шакллантирилган гуруҳлар билан йўриқнома ўтказилди.

Шундан сўнг, ходимларга - фирибгарлик, ўғирлик, транспорт воситасини олиб қочиш, тан жарохати етказиш ва одам савдосига қарши курашиш жиноятлари бўйича буклетлар тарқатилди. Мақсад аҳолини мазкур тарқатма материаллар орқали иллатларга қарши курашишини таъминлаш.

Жумладан, Кармана туманидаги“қизил” тоифага киритилган 17 та маҳаллалар ҳудудида ҳам фуқароларни хавфсизлигини таъминлаш, тунги вақтларда маҳаллани хавфсиз ҳудудга айлантириш борасида соҳавий хизматлар билан ҳамкорликда кенг қамровли тадбирлар ўтказилди. Бунда “25 соат Тарғибот карвони”нинг йўлга қўйилганлиги фуқароларни хушёрликка ва сергакликка чорлашда самарали восита бўлиб хизмат қилмоқда. Гуруҳлар томонидан ўтказилган манзилли тарғибот тадбирлари давомида хонадонлар, умумий овқатланиш шаҳобчалари ва савдо дўконларига борилиб, ҳар бир хонадонга ҳудудий профилактика инспектори ҳамда туман ИИБ раҳабариятининг телефон рақамлари ёзилган ташриф қоғозлари ҳамда огоҳликка чақирувчи 5 турдаги тарғибот буклетлари тарқатилди ва профилактик ишлар олиб борилди.

Профилактика давомида асосий эътибор, маҳаллаларда жиноят ва ҳуқуқбузарликларнинг барвақт олдини олиш, аҳолининг ижтимоий муаммоларини ўрганиш, олис ҳудудларда ҳам тунги вақтларда фуқаролар осойишталигини таъминлашга қаратилган профилактик чора-тадбирларни “маҳаллабай” тизимда олиб борилаётганлигига қаратилди. Тадбирлар давомида туманда мавжуд барча ўрганилиши лозим бўлган қатламга ўз яшаш хонадонида ёнғин хавфсизлиги қоидаларига, шунингдек, йўл ҳаракати қоидаларига ҳамда карантин талабларига амал қилишлари юзасидан тушунтириш ишлари олиб борилди. Шу билан бирга маҳалла ҳудудига келиб-кетаётган шубҳали шахслар ёки шубҳали ҳолатларни гувоҳи бўлишганида дарҳол ИИБга хабар қилишлари тушунтирилди.  Айни пайтда тарғибот тадбирлари давом этмоқда.

 Навоий вилояти ИИБ Ахборот хизмати