Навоийда масъулларга планшетлар тантанали равишда топширилди
Ўзбекистон Республикаси ИИВнинг 2023 йил 30 апрель кунидаги “ИИОда хизмат интизомига риоя этилишини таъминлашда ахборот-коммуникация технологияларини жорий этиш тўғрисида”ги буйруқ талаблари бугун Навоий вилоятида биринчилардан бўлиб ижроси таъминланди. Гап шундаки, Ички ишлар вазирлигининг Маънавий-марифий ишлар ва кадрлар билан таъминлаш департаменти бошлиғининг ўринбосари полковник Хамза Валиханович Махсумов томонидан вилоят ИИБ соҳавий хизматлари ҳамда шаҳар-туман ИИБ бошлиғининг Маънавий маърифий ишлар бўйича ўринбосарларига планшетлар тантанали равишда топширилди. Келгусида ходимларнинг ҳар томонлама билим-салоҳиятга эга бўлишларида, қисқа вақтда катта натижаларга эришишда мазкур алоқа қурилмаси самара бериши шубҳасиз.
Тадбир давомида ИИВ масъул ходими майор Азамат Нуруллаев планшет орқали ходимлар билан кунлик, ҳафталик ҳамда йил давомида амалга оширилиши лозим бўлган ишлар тушунтирилди. Шунингдек, мазкур қурилма учун масъулиятни ошириш ҳамда самарали фойдаланиш бўйича йўриқномалар ўтилди, махфийлик қоидаларига риоя қилиниши айтилди.
Навоий вилояти ИИБ Ахборот хизмати
