Навоийда президентимизнинг афв фармонларига асосан озодликка чиқарилган 4 нафар шахслар билан вилоят ИИБ бошлиғи ҳамда ҳокимлик вакиллари юзма - юз мулоқот қилишди
Мурожаат ва ечим, бугун раҳбарларимиз олдида айнан мана шу икки масала кун тартибига айланган десак муболаға бўлмайди. Яқинда муҳтарам юртбошмизининг афв фармонлаига асосан озодликка чиқарилган кўплаб фуқаролар ичида Навоийлик 4 нафар ўз хатосидан пушаймон бўлган шахслар ҳам бор. Вилоят ички ишлар бошқармасида ташкил этилган учрашувда вилоят 3-сектор раҳбари ҳамда вилоят ҳокими ўринбосари мазкур фуқароларнинг ижтимоий мослашуви ҳамда уларнинг мурожаатларини ўрганишди. Юзма-юз мулоқотлар жараёнида имтиёзли кредитлар олиш, ишга жойлашиш, ногиронлик нафақаси каби бир қатор маслалар кўриб чиқилди ва шу куннинг ўзида ҳал этиш чоралари кўрилди.
“Инсон жиноятга қўл уришига бир қатор омиллар сабаб бўлади. Жумладан, моддий қийинчилик ёки осон ва тез бойиш истаги ҳар хил қинғир йўлларга бошлайди. Бугунги учрашувда биз асосий эътиборни мазкур фуқароларни иш билан таъминлаш орқали уларнинг бандлигини таъминлаш ҳамда оилавий шароитини чуқур таҳлил қилиб амалий кўмак беришга қаратдик. Жумладан, субсидия асосида экин ерлари ажратиш, тадбиркорликни йўлга қўйишда кам фоизли кредитларни расмийлаштириш ва тиббий кўрикдан ўтишда қўшимча имтиёзларни бериш каби масалалар жойида ҳал этилди. Мақсадимиз уларни жамиятимизнинг фаол қисмига айлантириш ва бу орқали уларни қайта жиноят содир этишларини олдини олишдан иборатдир.” - дейди, вилоят ИИБ бошлиғи, полковник А.Тасбаев.
Навоий вилояти ИИБ Ахборот хизмати
