Маънавият – инсонни кишилик жамиятида алоҳида ажратиб турувчи, комиллик сари етакловчи асосий воситадир. Мухтарам юртбошимиз томонларидан фуқароларнинг маънавиятини оширишга қаратилган қатор тизимли ишлар амалга оширилмоқдаки пировард мақсад жамиятда соғлом муҳит барқарорлигини таъминлаш ҳамда кишилар ҳаётида муҳим ўзгаришларни амалга оширишдир. Айни мақсадларга қаратилган ишлар бугун Ички ишлар соҳасида ҳам тизимли равишда олиб борилмоқда. Бунда асосий эътибор китобхонликни кенг тарғиб қилиш, Ички ишлар ходимларининг имижини ошириш улар учун маънавий-маърифий тадбирларни ташкил этиш, ёзувчи шоир ҳамда ижодкорлар билан учрашувлар ўтказилиши шулар жумласидандир. Навоий вилоятида бу борадаги ишларнинг натижадорлигини ўрганиш мақсадида Республика ишчи гуруҳи ўз фаолиятини бошлади. Республика Маънавият Тарғибот маркази ҳамда Ички ишлар вазирлиги мутассадилари ҳамкорлигида ташкил этилган ўрганишлар вилоятнинг барча шаҳар туманларини қамраб олмоқда. Дастлабки ўрганишлар Кармана туманида бўлиб ўтди. Туман ИИБ биносида бўлиб ўтган учрашувда ходимларнинг дунёқараши, интелектуал салоҳияти ва муомала маданияти ўрганилди. Тадбир давомида ходимлар ўртасида китобхонлик маданиятини янада ўстириш бу борада уларга амалий кўмак бериш, фуқаролар билан мулоқотларда ва келиб тушган мурожаатларни ҳал этишда нималарга аҳамият қаратиш зарурлиги борасида фикрлар билдирилди. Учрашув якунида вилоят Маънавият тарғибот маркази томонидан ходимлар учун бадиий китоблар жамланмаси тақдим этилди. Шунингдек, ишчи гуруҳ аъзолари Кармана туманидаги Жалойир МФЙ да бўлишиб у ерда яратилган шароитларни ўрганиб, ҳудуд профилактика инспектори ҳамда унинг хонадонида бўлиб ободонлаштириш ва томорқа маданияти билан яқиндан танишишди. Шундан сўнг, ишчи гуруҳ Нурота туманига ташриф буюриб, туманда амалга оширилган кенг кўламли ишларни кўздан кечиришди. Якунда ходимларнинг мароқли ҳордиқ чиқаришлари учун концерт дастурлари ҳамда спектакл томошалари ташкил этилди.

Эслатиб ўтамиз ишчи гуруҳ ўрганишлари туманлар кесимида давом этмоқда.

      Навоий вилояти ИИБ Ахборот хизмати