Ҳаётнинг пасту баланд йўлларини босиб ўтган нуронийларимиз, фахрий устозларимиз тажрибаси, пурмаъно ўгитлари ёшлар учун ибрат мактабидир.  

Давлатимиз раҳбарининг ташаббуси билан ёш авлодни тарбиялашда “устоз-шогирд” анънасига амал қилиш, устозларни улуғлаш, уларни орттирган тажрибаларидан унумли фойдаланиш масаласига алоҳида эътибор қаратилаётгани ҳам бежиз эмас. Ушбу ишларнинг амалий ифодаси сифатида Ички ишлар органлари тизимида ўзининг ибрат мактабини ярата олган шахс истеъфодаги Генерал майор Телман Муродхаджаев “Уч авлод” учрашувини ўтказиш мақсадида ИИВ ҳузуридаги Жазони ижро этиш департаменти Бешинчи Минтақавий ҳудуд Минтақавий мувофиқлаштириш марказига ташриф буюрди.

Шундан сўнг Навоий шаҳридаги “Ёшлар маркази”да минтақавий мувофиқлаштириш маркази раҳбарияти шунингдек калониялар раҳбарлари ҳамда  ходимлари, соҳада янгидан иш фаолиятини олиб бораётган ходимлар шунингдек, ИИВ Академияси курсантлари, соҳада узоқ йиллар давомида хизмат фаолиятини олиб борган ва тизимда улкан муваффақиятларга эришган фахрий устозлар иштирокида  “Уч авлод” учрашуви бўлиб ўтди.

Шундан сўнг тадбирда иштирок этган устоз генерал-майор Телман Муродхаджаев сўзга чиқиб ўз ҳаёт йўли давомидаги улкан мувоффақиятларига эришиш йўлида олиб борган ишлари ҳақида сўз юритиб, ёшларни юқори касбий тайёргарликка эга, жисмонан ва маънан етук, билимли, ҳалол, ватанпарвар, мард ва жасур этиб тарбиялаш борасидаги тавсияларини беришди.

Учрашув сўнгида минтақа тасарруфидаги колонияларда сидқидилдан хизмат олиб бораётган ва фаолияти билан намуна бўлаётган бир гуруҳ ходимларга ташаккурнома ҳамда совғалар топширилди.

 Навоий вилояти ИИб Ахборот хизмати