Наврўз айёми барчанинг кўнглига илиқлик, кайфиятига кўтаринкилик бахш этувчи қутлуғ шодиёна. Шу сабабдан, халқимиз уни ўзгача тайёргарлик ва хурсандчилик билан кутиб олади.   Наврўз байрами сайлларга айланиб миллий анъаналаримиз, қадриятларимиз ҳамда миллий ўйинларимиз янада қадр топади.  

   Навоий вилояти "Динамо" жисмоний тарбия ва спорт жамияти ташаббуси билан ҳуқуқни муҳофаза қилувчи органлар - ДХХ, ИИБ, Миллий гвардия, Божхона бошқармаси ҳамда Ҳарбий қисмлардан ташриф буюрган жамоалар ўртасида ўтказилган Миллий кураш мусобақаси янада қизғин тус олди. Соғлом рақобат руҳида ўтган мусобақада турли вазн тоифасида 100га яқин спортчи иштирок этди. Унда вилоят ИИБда хизмат қилаётган ходимлар ҳам фаол иштирок этишди. Муросасиз кечган баҳсларда вилоят ИИБ шарафини ҳимоя қилган иштирокчилар: 66 кг вазн тоифасида Ахрор Фармонов, Шахбоз Турсунов, 73 кг вазн тоифасида Азиз Ражабов, 81 кг вазн тоифасида Истам Қудратов, 90 кг вазн тоифасида Ихтиёр Эшмуродов, 100 кг вазн тоифасида эса Тоштемиров Миржалол, Мусаев Элбеклар ғолиб деб топилди. Шунингдек, оғир вазн тоифасида ака-ука Бургитали ҳамда Бегзод Эшпулатовлар  мутлоқ ғолибликни қўлга киритишди. Якуний натижаларга кўра умумжамоа ҳисобида вилоят ИИБ 1-ўринга лойиқ деб топилди. Наврўз байрами муносабати билан ташкил этилган мусобақа соҳа ходимларининг хизматига шижоат бағишлабгина қолмай руҳиятида осойишталик касб этди. Ғолиблар диплом ва эсдалик совғалари билан тақдирланишди. 

      Навоий вилояти ИИБ Ахборот хизмати