Мир Алишер Навоий ижодининг ҳар бир байтида бир жаҳон маъно, бир олам мазмун мужассам. Шоир ижодий мероси Она юртни, халқни фарзандлик меҳри билан севишга, руҳий покликка, вафо ва садоқатга ўргатади. Жорий йилнинг 6 февраль куни вилоят ИИБ ҳамда ИИВ Навоий академик лицейи ҳамкорлигида Навоий шаҳридаги “Ёшлар маркази” фаоллар залида ўтказилган “Навоийхонлик кечаси” маърифий тадбирларнинг узвий давоми бўлди. Соҳа ходимлари ҳамда лицей ўқувчилари иштирокида саҳналаштирилган ғазаллар гулдастаси, хассос шоир ижодини тараннум этувчи куй ва қўшиқлар, “Хамса” достони парчалари асосида яратилган саҳна кўринишлари томошабинлар эътиборига ҳавола этилди. Тадбир якунида фаол иштирок этган ўқувчи-ёшлар бошқарма томонидан ташаккурнома ва китоблар жамланмаси билан тақдирландилар.

  Навоий ижодига қаратилган назар китобхонни мутолаа завқи ва китобхонлик саодатига етаклайди. Ёшларни буюк аждодларга муносиб авлод қилиб тарбиялаш ҳамда уларнинг бой ижодий меросини янада кенгроқ ўрганишга қаратилган маърифий тадбирлар вилоятимиз бўйлаб давом этмоқда. 

            Навоий вилояти ИИБ Ахборот хизмати