Навоийда зарафшонлик кекса аёлни чалғитиб пулларини ўғирлаган фуқаро қўлга олинди
Зарафшон шаҳрида яшовчи кекса Марина Ивановнанинг (исмлари ўзгартирилган) 3 нафар ўғли бор. Уларнинг ҳаммаси Россия давлатида яшайди. Марина Ивановна ҳам нафақага чиқдию, Россияга кетишга қарор қилди. Фарзандлари – “Она, уйни сотинг-у ёнимизгакелинг”, -деб қўйишмагани учун уйини сотувга қўйди. Уйни 22 минг Ақш долларига баҳолади. Зарафшон шаҳрида истиқомат қилувчи Азиз Арслонов уйни сотиб олди. Уй олди-сотди жараёнида яқиндан танишиб ҳам олди. Пулларнинг 20 минг Ақш долларини банк орқали унинг ўғиллаарига жўнатишга ҳам Азизнинг ўзи ёрдам берди. Шундан сўнг уй эгаси Россияга кетиши ҳақида айтганида- “Ўзим сизни Навоий шаҳридаги Халқаро аэропортига кузатиб қўяман”,-деди. Аэрочипта санаси етиб келганида Азиз Арслонов ўз машинасида уй эгаси билан йўлга чиқди. Йўлда Азиз ажойиб ҳийла ишлатди-машинаси бузилиб қолганини, телефон чироғини тутиб туришини сўради. Марина Ивановна чироқ тутиб турган пайтда, машина салонидан ускуналар олган каби бўлиб, унинг сумкасидан 3140 Ақш долларини олиб қўяди. Манзилга етганда Марина Ивановна ҳақ тўламоқчи бўлади ва “саҳоватпеша ҳайдовчи” бу ишни чин кўнгилдан қилганини, пул тўлаш шарт эмаслигини айтади. Хурсандчиликдан боши кўкка етган кекса аёл аэропортда текширувдан ўтаётганда пуллари йўқлигини билади. Шу заҳоти хизматдаги ИИБ ТХТБ ходимларига айтади. Ходимларнинг саъй-ҳаракатлари натижасида ҳали узоққа кетиб улгурмаган Азиз Арслонов қўлга олинди.
Навоий вилояти ИИБ Ахборот хизмати
Каналга обуна бўлиш:
@Navoi_iib_axborotxizmati
