Ички ишлар вазирининг ўринбосари генерал-майор Д.А.Назармухамедов Навбаҳор туманидаги тадбиркорлар билан учрашди
Ташриф давомида генерал-майор Д.А.Назармухамедов вилоятнинг Навбаҳор туманига борди. Тумандаги ўрганишлари давомида навбаҳорлик тадбиркорлар фаолияти билан танишди.
Жумладан, шу туманнинг тадбирли ишбилармонларидан бири Шахриёр Исмоиловнинг иссиқхона ва чорвахонасига бориб у ерда амалга оширилаётган ишлар, масалан, томорқанинг техник-мелиорация ҳамда янги агротехникаларни қўллаш жараёнлари билан танишди. Туман ҳокими томонидан тадбиркор айни дамда чорвачилик ва иссиқхона орқали туман ёшларини бандлигини таминлашга ҳисса қўшаётганини таъкидлади. Ўрганишлар чоғида мутасаддилар билан келгусида ҳудуддаги ёшларни иш билан таъминлаш, кичик тадбиркорликни ривожлантиришида кўмаклашиш каби масалаларда суҳбатлашилди.
Навоий вилояти ИИБ Ахборот хизмати
