21 Ноябр 2024 йил
2819
Навоий вилояти ҳудудига олиб кирилаётган пиротехника воситалари тўхтатиб қолинди
Навоий вилоятида ўтказилаётган тезкор-профилактик тадбирлар натижасида бир қанча қонунчиликка зид ҳолатлар аниқланмоқда. “Пиротехника” кучайтирилган кенг қамровли профилактик тадбирларнинг навбатдагиси “Самарқанд” ЙПХ масканида бўлди. Йўл патрул хизмати инспекторлари ҳамда Кармана тумани ҲПБ ходимлари билан ҳамкорликда ўтказилган назорат тадбирида “Спарк” автомашинаси тўхтатиб текширилди. Мазкур машина бошқарувида бўлган 34 ёшли ҳайдовчи ёнидан 10 блок 3 қути пиротехника воситаси борлиги ва уни вилоят ҳудудига олиб кираётгани маълум бўлди.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Навоий вилояти ИИБ Ахборот хизмати
