Навоийда субсидия асосида уй олиб беришни ваъда қилган шахс қўлга олинди
Мамлакатимизда фуқароларни ижтимоий ҳимоя қилиш, уй-жой
билан таъминлаш борасида кенг кўламли ишлар амалга оширилмоқда. Хусусан,
аҳолини ижтимоий ҳимояга муҳтож қатлами учун ажратилган субсидия боқувчисини
йўқотган, ногиронлиги бор ҳамда эҳтиёжманд оилалар учун айни муддао бўлди. Аммо, ҳуқуқий маданиятнинг етишмаслиги ёки
қонунларни менсимаслик оқибатида кўплаб одамлар фирибгарлар тузоғига тушаётгани
ҳам сир эмас.
Қизилтепалик С.М субсидия асосида уй олиш учун ҳужжат
расмийлаштириб юрган М.Шни
кўз остига олиб, 18
млн сўм эвазига масалани осон ҳал қилиб беришини айтади. Фуқарони ишончига кириб, олинган
пулларни ўз эҳтиёжлари учун ишлатиб юборган “ҳожатбарор” икки йил давомида М.Шни
алдаб келганлиги сабабли фирибгарликда гумон қилинди. Унга нисбатан Ўзбекистон
Республикаси Жиноят кодексининг 168-моддаси 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Навоий вилояти ИИБ Ахборот хизмати
