Ҳуқуқни муҳофаза қилувчи органлари ходимлари ўртасида спортнинг “Дзюдо” тури бўйича “Динамо” чемпионати ўтказилди
Соғлом турмуш тарзига амал қилаётган юртдошларимиз сони кундан-кунга ортмоқда. Осойишталик посбонларининг эса жисмоний тарбия ва спорт билан ошино бўлишлари тинчлигимиз кафолатидир. Ходимларнинг оммавий спорт билан шуғулланишларини рағбатлантириш мақсадида Навоий вилояти Дзюдо федератцияси залида спортнинг “Дзюдо” тури бўйича “Динамо” чемпионати ўтказилди. Мусобақада вилоят Ички ишлар, Божхона, Миллий гвардия бошқармаси ҳамда ҳарбий қисмлардан 40дан ортиқ ходимлар иштирок этди. Муросасиз баҳсларда вилоят ИИБнинг кураги ерга тегмаган полвонлари биринчиликни банд қилиб чемпионат кубогини қўлган киритди. 2-ўринни Миллий гвардия жамоаси эгаллаган бўлса, 7532-сон Ҳарбий қисм йигитлари 3-ўринга муносиб деб топилди. Мусобақанинг ғолиб ва совриндорлари диплом, медал, кубок ва эсдалик совғалари билан тақдирландилар.
Навоий вилояти ИИБ Ахборот хизмати
