9 Январ 2025 йил
371
Вилоят Ички ишлар бошқармаси ходимлари Навоий Инновациялар университетида ташкил этилган ватанпарварлик фестивалида фаол иштирок этишди
Ватан ҳимоячилари куни муносабати билан ташкил этилган фестивалда барча ҳуқуқни муҳофаза қилувчи органлари жумладан, вилоят Ички ишлар, Миллий гвардия, Мудофаа ишлари, Фавқулодда вазиятлар бошқармалари ходимлари фаол иштирок этишди. Тадбирда соҳа вакиллари ўзларининг қизиқарли чиқишлари билан талаба-ёшларда катта қизиқиш уйғотди. Айниқса, айрим амалий кўргазмаларда бевосита иштирок этиши тадбирдаги таассуротларини бойитди. Ёшларни ватанпарварлик, она Ватанга садоқат руҳида тарбиялаш мақсадида ташкил этилаётган бу каби тадбирлар ҳудудлар бўйлаб давом этмоқда.
Навоий вилояти ИИБ Ахборот хизмати
