18 Декабр 2024 йил
1520
“Хавфсиз ҳудуд – Долзарб 50 кунлик” тадбири доирасида Нурота туманида гиёҳванд моддасига ўхшаш модда олиб юрган шахс аниқланди
Ўтказилаётган “Хавфсиз ҳудуд – Долзарб 50 кунлик” махсус тадбирлари доирасида Нурота туманида профилактика инспекторлари ҳамда жиноят қидирув бўлими ходимлари билан ҳамкорликда тезкор-профилактик тадбир ўтказилди. "Деҳибаланд" МФЙда жойлашган “Караван” дам олиш маскани ёнида шубҳали автомашина назорат тартибида ўрганилди. Машина салонидан қуруқ ҳолдаги, яшил рангли, ўткир ҳидли гиёҳвандлик моддасига ўхшаш модда борлиги аниқланиб, холислар иштирокида ҳужжатлаштириб олинди. Ҳолат бўйича суд тиббий кимёвий экспертизаси тайинланиб, қўшимча суриштирув ишлари олиб борилмоқда.
Навоий вилояти ИИБ Ахборот хизмати
