14 Декабр 2024 йил
1620
Навоий шаҳрида “Хавфсиз ҳудуд-долзарб 50 кунлик” махсус профилактик тадбири ташкил этилди
Навоий шаҳри ИИБ ходимлари иштирокида “Хавфсиз ҳудуд-долзарб 50 кунлик” доирасида йўриқнома ташкил этилди. Унда назорат-рейд тадбирларини кучайтирилган тартибда олиб бориш, маҳаллалар, хонадонлар кесимида жиноят ва ҳуқуқбузарликлар бўйича тарғибот-ташвиқот ишларини амалга ошириш топшириқлари берилди. Сўнг ходимлар йўналишлари доирасида хизматга киришиб, муаммоли, жанжалкаш оилалар ва спиртли ичимликка ружу қўйган фуқаролар билан профилактик суҳбатлар олиб боришди.
Шунингдек, маҳалла ҳудудида аҳоли тўпланадиган гавжум жойлар, таълим муассасаларида фирибгарлик ва ўғирлик жиноятлари бўйича тарғиботлар олиб борилиб, фуқароларга ҳуқуқий тушунчалар берилди.
Навоий вилояти ИИБ Ахборот хизмати
