Вилоят Ички ишлар бошқармаси бошлиғи, полковник Азат Тасбаев, Миллий гвардия, Фавқулодда вазиятлар бошқармаси масъуллари иштирокида Навоий шаҳридаги “Ёшлар хиёбони” ва Ғозғон шаҳри марказидаги оммавий тадбирлар ўтказиладиган жойларни кўздан кечириб, ўрнатилган “Янги йил арчаси” атрофида кўрилган хавфсизлик чоралари, кундузги ва тунги хизматга жалб этилган ҳуқуқни муҳофаза қилувчи идоралар ҳамда мутасадди ташкилот ходимларининг фаолиятини ўрганди. 

    Ўрганишлар давомида, масъулларга оммавий тадбирларни ўтказиш жараёнида фуқароларимиз тинчлиги, ҳудуд осойишталиги ва жамоат хавфсизлигини таъминлаш асосий вазифа эканлиги, шу мақсадда ходимлар ҳамда барча махсус техникалар шай ҳолда бўлиши ва жалб этилган куч воситаларини тўғри жойлаштириш лозимлиги уқтирилди. 

     Фуқароларнинг ташрифи вақтида хавфсизлик чораларини янада кучайтириш ва транспорт воситаларининг тирбандлигини олдини олиш юзасидан бир қатор вазифалар юклатилди.

        Навоий вилояти ИИБ Ахборот хизмати