Мутахассис ходимларни рағбатлантириш, уларни малакасини ошириш, ўз устида ишлашига имконият яратиш мақсадида ўтказилаётган кўрик танловлар қаторида Навоий вилояти ИИБ ҳамда шаҳар-туман ИИБ Эксперт-криминалистика гуруҳи ходимлари ўртасида “Энг яхши эксперт-криминалист” кўрик-танловининг вилоят босқичи ўтказилди.

Ўтказилган кўрик-танловда иштирокчилар, ўз соҳалари бўйича интеллектуал салоҳиятлари, жисмоний ва жанговар тайёргарлиги ҳамда хизматга оид маъёрий ҳужжатларнинг юритилиши бўйича якка тартибдаги суҳбатлар асосида ўз тажриба ва кўникмаларини намойиш этган бўлсалар, малакавий билимларини тест жараёнларида намойиш этишди.

         Кўрик-танлов натижаларига кўра, биринчи ўринни вилоят ИИБ Экперт-криминалистика маркази катта эксперти капитан Сардор Муҳиддинов, иккинчи ўринни вилоят ИИБ Эксперт-криминалистика маркази катта эксперти лейтенант Аслан Нурмуродов қўлга киритган бўлса, Кармана тумани ИИБ Эксперт-криминалистика гуруҳи катта эксперти катта лейтенант Асадбек Зувайдуллаев учинчи ўринга муносиб деб топилди.

         Ғолибликни қўлга киритган иштирокчилар кўрик-танловнинг Республика босқичида иштирок этиш учун йўлланмани қўл киритишди.

Навоий вилояти ИИБ Ахборот хизмати