Республика бўйлаб жорий йилнинг 15 июль кунидан 15 август кунига қадар “Хавфсиз ва соғлом юрт” кенг қамровли тезкор-профилактик ойлиги  ўтказилмоқда. Шу муносабат билан Навоий вилояти ИИБнинг жамоат тартибини сақлашга масъул ходимлари ва бошқа ҳуқуқни муҳофаза қилувчи орган вакиллари иштирокида йўриқнома ўтказилди. Унда Ички ишлар вазири ўринбосари иштирок этиб, жиноят ва ҳуқуқбузарликларнинг олдини олиш ҳамда ҳудудда криминоген вазиятни барқарорлаштириш чора-тадбирларини янада кучайтириш лозимлиги, хизматни ўташ вақтида фуқаролар билан хушмуомала муносабатда бўлиш, хизмат  интизоми ва қонунчиликка риоя этиш зарурлигини таъкидлади. Шунингдек, аҳоли хавфсизлигини ишончли таъминлашда аҳамият қаратилиши муҳим бўлган жиҳатлар юзасидан кўрсатмалар берилди. 

 Ҳуқуқбузарликларни олдини олиш, жиноятларни фош этишда жонбозлик кўрсатган ЙПХ инспекторига вазирлик раҳбариятининг миннатдорчилиги билдирилди.  

 Йўриқномада белгиланган режа ва топшириқларга кўра тунги назорат-рейд тадбирлари ўтказилди. Профилактик ўрганишлар давомида жамоат жойларида фуқаролар ва корхона-ташкилот ходимлари билан тушунтириш ишлари олиб борилди. Йўл-транспорт ҳодисаларининг олдини олиш, қоидабузарларга нисбатан кескин чоралар кўриш юзасидан  махсус рейдлар ташкил этилди. 

 Кенг қамровли тезкор-профилактик тадбирлар вилоятнинг барча ҳудудлари бўйлаб давом эттирилади.

Навоий вилояти ИИБ Ахборот хизмати