Навоийда байрам муносабати билан бир гуруҳ ходимлар мукофатланди
25 октябрь - Ички ишлар органлари ходимлари куни муносабати билан Навоий вилояти ИИБда тантанали байрам тадбири ўтказилди. Тадбирда дастлаб, вилоят ИИБ бошлиғи сўзга чиқиб, Ички ишлар вазирининг байрам табригини ўқиб эшиттирди. Ўз ҳаётини эл-юртимиз тинчлиги ва осойишталигини асрашдек эзгу ва олижаноб ишга бағишлаган мард, садоқатли, фидоий юрт посбонлари шаънига самимий тилаклар билдирди. Шундан сўнг, байрам муносабати билан тақдирланган бир гуруҳ ходимларга махсус унвонлар ҳамда идоравий кўкрак нишонлари тантанали равишда топширилди.
Муҳтарам Президентимиз фармонига кўра “Содиқ хизматлари учун” медали билан мукофотланган подполковник Марҳабо Хожиеванинг хизмати яна бир бор эътироф этилди.
Тадбирда Миллий гвардия Навоий вилояти бўйича бошқармаси бошлиғи ҳам сўз олиб, бир гуруҳ ички ишлар органлари ходимларига эсдалик совғаларини топширди.
Навоий вилояти ИИБ Ахборот хизмати
