Навоийда "Жисмоний ва жанговар тайёргарлик ойлиги" доирасида ИИБ ходималари иштирокида волейбол мусобақаси ташкил этилди
Соғлом турмуш тарзини кенг
татбиқ этиш ва ходимлар ўртасида оммавий спортни янада ривожлантириш мақсадида вилоят ички ишлар бошқармасида хизмат олиб
бораётган аёл ходималар ўртасида спортнинг волейбол тури бўйича «Навоий вилояти
Ички ишлар бошқармаси бошлиғининг кубоги» мусобақаси ўтказилди. Соҳа ходималари
волейбол тўпини тезкорлик билан рақиб томонга улоқтириб, кутилмаганда зарба
бериш усули билан қизиқарли ўйин
кўрсатдилар. Муросасиз кечган баҳсларда вилоят
ИИБнинг хотин-қизлар масалалари бўйича катта инспекторларидан иборат «Фемида» жамоаси
фахрли 3-ўринни, шаҳар-туман
ИИБларида хизмат қилаётган инспектор-психологларнинг «Психологлар» жамоаси
фахрли 2-ўринни эгаллаган бўлса, вилоят ИИБ соҳавий хизматларининг «Тўмарис»
жамоаси фахрли 1-ўринга муносиб деб топилди.
Ғолиб жамоалар ҳамда «Ғалабага
бўлган иштиёқи учун» номинацияси бўйича ғолиб бўлган «Адолат» жамоаси диплом ва
қимматбаҳо совға билан тақдирланишди.
Навоий вилояти ИИБ Ахборот
хизмати
